‘Liga e Konferencës’/ Çmimet e hoteleve në Tiranë në stratosferë, KRAHASIMI me Parisin

Ku ka krizë, ka përfitim! E mesa duket ne shqiptarët dimë ta bëjmë më mirë se të gjithë duke çuar në “qiell” çmimet e dhomave të hoteleve kur në Tiranë pritet që të luhet Finalja e Ligës së Konferencës. Hotelet në kryeqytet kanë shumëfishuar çmimet e dhomave në Tiranë deri në 9 mijë euro nata. Si “shefi” i vendit mikpritës, kryebashkiaku i Tiranës ka marrë në mbrojtje pronarët e hoteleve që çuan çmimet deri në 9 mijë euro nata për ndeshjen gjatë finales së Ligës së Konferencës.

Erion Veliaj tha se është faji i sportdashësve që nuk i kishin pronontuar më parë biletat dhe i lanë për në momentin e fundit. Gjë që nuk qëndron sepse nuk mund të prenontosh dy muaj para një dhomë hoteli, për më tepër kur nuk ke siguri që skuadra e zemrës do të arrijë aq larg në kompeticion.

Por për të bërë një krahasim më të saktë, pa u ndikuar nga asnjë retorikë dhe zhvillim që ka trazuar ujërat së fundmi, media ne fjale veshi “petkun” e një turisti dhe kërkoi sesa mund të shkonte çmimi i një dhome hoteli në Paris. Po, në Paris atje ku do të luhet finalja e “Champions League”, kompeticion edhe më i madh se ai që do të zhvillohet në Shqipëri. Me çmimin e një dhome hoteli në Shqipërinë tonë të vogël, një tifoz; pret biletën e ndeshjes, pret biletën e autobusit për të shkuar në Paris, madje merr edhe hotel.

Për të mos komentuar më shumë seç duhet, kjo media ka renditur me radhë të gjithë hotelet e gjetura në Paris, shumë pranë qendrës dhe çmimet që në krahasim me ato të Tiranës duken qesharake e kap në mesatare prej 300 mijë lekësh të vjetra shqiptare. Me siguri pronarët francezë nuk duan të fitojnë.