Një prift u godit me thikë në Nice. Ngjarja e rëndë ndodhi ditën e sotme, brenda kishës. Lajmi është konfirmuar edhe nga ministri i Brendshëm Geral Darmanen në një mesazh në Twitter. Sipas tij, jeta e priftit nuk është në rrezik, ndërsa policia ka arrestuar autorin, raportojnë mediat.
Sulmi ndodhi në kohën kur Franca po voton në raundin e dytë të zgjedhjeve presidenciale. Kryetari i Bashkisë së Nicës, Christian Estrozi, përmes një postimi të veçantë në Twitter, tha se autori vuante nga probleme psikologjike.
Deputeti Eric Siotti, i cili përfaqëson rajonin, shkroi në një mesazh në Twitter se prifti, të cilin ai e quajti Christoph, u sulmua me thikë në kishën Saint-Pierre d’Arene në Nice. Po ashtu, një murgeshë ka mbetur e plagosur në dorë, teksa tentoi që t’i rrëmbente thikën autorit.
Discussion about this post