Një atentat ka ndodhur në Lushnje, ku i plagosur ka mbetur Kujtim Meta. 44-vjeçari është qëlluar me armë zjarri nga një person i maskuar me syzë, maskë dhe kapuç, por paraprakisht dyshohet nuk ishte i plagosuri shënjestra e atentatit. Ngjarja ka ndodhur pasditen e sotme në afërsi të stacionit të trenit, pasi Meta ka qenë i vetëm në tavolinën, kur një person ka zbritur nga makina, është futur brenda në lokal dhe ka qëlluar në drejtim të tij. Më pas, është ndihmuar nga një person tjetër për tu larguar me makinë.
44-vjeçari ka marrë dy plumba në bark dhe si pasojë ndodhet në gjendje të rëndë për jetën. Për një mjekim më të specializuar ai është sjellë me urgjencë në spitalin e Traumës në Tiranës, ku edhe ndodhet nën kujdesin e mjekëve. Deri më tani rezulton se i plagosuri nuk ka precendentë të mëpashëm penalë. Policia ka shkuar në vendin e ngjarjes, ndërsa në të gjithë zonën janë vendosur post-blloqe për të kapur autorin./ dosja
Discussion about this post