Deputeti demokrat Edmond Spaho replikoi me zëvendësministrin e Energjisë, Ilir Bejtja, se pse çmimet janë më të larta sot se kur nafta në bursa ishte edhe më shtrenjtë.
Në ndryshimet e 1 Prillit me Akt Normativ, qeveria ndryshoi mënyrën se si llogaritet çmimi i naftës, nga 1% dhe 5% në 3 lekë për litër për shitjen me shumicë dhe 12 lekë për litër për shitjen me pakicë. Deputeti Erion Braçe kërkoi shpjegimet për këtë ndryshim, ndërsa anëtarja demokrate Jorida Tabaku, e konsideron Bordin si një cenim të rëndë të konkurrencës në treg.
Ndryshimet lënë të hapur edhe vlerën e primit që i shtohet çmimit me të cilin tregtohen karburantet në bursë, duke rezultuar me një çmim final më të lartë nga formula e mëparshme. Demokratët kërkuan sërish pezullimin e përkohshëm të disa taksave tek karburantet, për të ulur çmimin. syri. net
Discussion about this post