Vrasja e Merushe Hazizit dhe vetëvrasja e Xhavahir Hoxhës la të tronditur ditën e kaluar fshatin Vidhisht të Roskovecit. Një ditë pas ngjarjes së rëndë, ku 61-vjeçari masakroi me thikë bashkëjetuesen e djalit të tij dhe më pas u vetëvra, viktimat janë përcjellë sot për në banesën e fundit. Merushja u përcoll nga shumë pak familjarë dhe nga tre fëmijët. Ndërsa partneri i saj, Fationi ishte prezent vetëm në ceremoninë mortore të të atit.
30-vjeçarja ishte nënë e 3 fëmijëve nga martesa e parë dhe fëmijët jetonin me ish-bashkëshortin, teksa ajo kishte 3 vite që bashkëjetonte me Fatjon Hoxhën. Pas konflikteve të vazhdueshme për shkak të mospranimit të kësaj lidhjeje nga 61-vjeçari, ka bërë që ai të qëllojë për vdekje me thikë të renë dhe më pas të vetëvaret në pemë në tokën e tij.
Discussion about this post