Arrestohet këngëtarja Elsa Lila, ‘financiere’ e një bande droge në Itali

Sipas mediave italiane, këngëtarja shqiptare Elsa Lila ka qenë pjesë e një grupi të trafikimit të lëndëve narkotike, me rolin e saj si ‘financiere’.
“Në agimin të së mërkurës, hetuesit e skuadrës së lëvizshme të Romës dhe Viterbos po zbatojnë 13 urdhra paraburgimi të kërkuara nga Drejtoria e Rrethit Antimafia të Romës dhe të lëshuara nga gjyqtari hetues i prokurorisë së Romës.

Mes 13 të dyshuarve bie në sy emri i Elsa Lilës, 40 vjeçe, këngëtare e njohur në Shqipëri, e cila mbante llogaritë e shitjes së drogës. I përfshirë është edhe boksieri Petrit Bardhi, i njohur si “Titty”, i përfshirë në një tjetër operacion të mëparshëm të antimafias italiane”, -raportojnë mediat në vendin fqinj.