Humbi zgjedhjet e 6 marsit, deputetët e PD firmosin dokumentin, duan dorëheqjen e Bashës

Kryetari i Partisë Demokratike, Lulzim Basha ka bërë me dije se është gati për të ndërmarrë çdo hap për të mirën e PD-së. Por në asnjë moment nuk përmend dorëheqjen e tij nga kryesimi i PD-së. Sot kur shumica e demokratëve tani më ka dalë hapur kundër tij, Lulzim Basha do të mbledh sot në orën 11:00 grupin parlamentar, ku do të bëjë një analizë të thellë të rezultatit të zgjedhjeve të 6 marsit. Ndërkohë deputetët demokratë kanë nisur mbledhjen e firmave për t’i kërkuar zyrtarisht dorëheqjen Bashës. Lëvizja ka nisur nga deputeti Tomor Alizoti, por tashmë ky dokument po qarkullon mes deputetëve, të cilët disa ditë më parë i kërkuan përballë dorëheqjen kryedemokratit.

Mbledhja e firmave do të vijojë deri të shtunën në mesditë, kohë kur demokratët janë thirrur për të mbajtur mbledhjen e radhës në selinë blu me ftesë të Bashës. Pas humbjes së PD-së, të arët që i kërkuan të heqë dorë nga drejtimi i selisë blu ishte deputeti i Durrësit, Ferdinand Xhaferraj, Agron Gjekmarkaj, Grida Duma, Ervin Salianji, madje këta të fundit,kanë shkuar edhe më tej, duke hedhur idenë e firmosjes për përjashtimin nga grupi parlamentar. Ndërsa Helidon Bushati kërkoi një kuvend bashkimi mes demokratësh.

Përballë këtyre kritikëve, Basha ka në krah një pjesë të vogël të deputetëve, si Jorida Tabaku, Gazment Bardhi dhe Enkelejd Alibeaj. Ndërkohë që nga ana tjetër, lideri historik i Partisë Demokratike, Sali Berisha lajmëroi dje se më datë 30 prill do të mbahet Kuvendi Kombëtar i PD, për zgjedhjen e kryetart të ti të demokratëve.